1. cinsi istəklərin yüklü olduğu enerji. freud tərəfindən işlənmişdir və bəşəriyyətin problemlərinin əsas mənbəyi olaraq görülür. latıncadan tərcümədə şəhvət, arzu, istək deməkdir. insan münasibətlərinə istiqamət verən əsas şeydir. sadəcə cinsi birləşmələrdə deyil, eyni zamanda gündəlik həyatda insanın bütün hərəkətləri üzərində təsiri olan libido, insan həyatının ayrılmaz hissəsidir. libidonun ortaya çıxmasında hormonların rolu var. qadın və kişi hormonlarının dəstək verdiyi və beyin vasitəsilə həzzə çevrilən cinsi istək və arzudur. həyat şərtlərinin, fiziki və psixoloji faktorların sevinc, kədər, stres, həyəcan və s. libido üzərində təsiri böyükdür. bu səbəbdən də insan özünü yaxşı hiss edərkən libido artır, pis hiss edərkən isə azalır. qadın libidosu kişi libidosuna nisbətən daha qarışıq və fərqlidir. cinsi məsələlərdə kişilər libidonu yüksəltməkdə heç bir çətinlik yaşamadığı halda, qadınlar üçün sağlam orqanizmlə yanaşı sağlam beyin, uyğun ətraf, güvən, qeyri-ixtiyari seksual çağırış və s olması tələb olunur. psixoloji problemlər qadın libidosuna daha tez və daha çox təsir edir. libido azlığı bir xəstəlikdir.
uşaqlarda da libido cinsi xarakter daşıyır. zehni inkişaf artdıqca libidonun bir hissəsi cinsi funksiyanı yerinə yetirərkən, digər hissəsi sənətə, elmə, texnikaya, yaradıcılığa meylləndirir. libido müxtəlif yaş dövrlərində ayrı-ayrı formalarda ortaya çıxır: süd əmilməsi və dişləmədən alınan həzz, ifraz etmədən alınan həzz, cinsi birləşmə və s. uşağın anası ilə yatma istəyi obyekti ana olan libidodur. 3 yaşdan sonra başqalarına yönəlir. edip kompleksinin də kökündə libido var. yeniyetmə yaşlarından sonra libido böyük dəyişikliyə uğrayır ki bu da insanın qarşı cinslə əlaqəyə girməsi istəyi yaradır.
freuda görə nevrozlar "mən" ilə libido arasındakı uzlaşmazlıqların nəticəsidir.